如果大家都有睇過 TVB嘅劇集《宮心計》，就會記得由佘詩曼飾演嘅劉三好一角，以「說好話、存好心、做好事！」 作為做人嘅宗旨！ 今次在專訪中，小编發現麥皓兒亦以「三好」-「演好戲、讀好書、學好事！」來積極人生！
《演技好》：自2007年，麥皓兒參選香港小姐，進入最後八強，加入了娛樂圈！至今已經參與了多個幕前演出，除了曾擔任節目《東張西望》，成為一位出色的主持外， 更參演過不少劇集， 例如 劇集《梟雄》， 被前輩-黃秋生-秋生哥大讚好戲，近期《纯熟意外》- 飾演孖妹一角-「鴨仔同蛋蛋」， 以及《一屋老友記》- 飾演女鬼一角-「芳芳」，亦都得到觀眾同網民嘅好評！皓兒話：「 好多謝大家記得同鐘意我演嘅角色，最近出街同返工，大家見到我都係叫我做女鬼！估唔到做鬼做得鬼咁開心！，希望日後可以演多些不同類型嘅角色，例如學下詠春、跆拳，嘗試演打鬥戲等等，俾觀眾見到自己百變嘅一面！” 」説實話，小编亦被這女鬼在劇中出場時成功嚇了—跳！
《成績好》： 除了演技好， 皓兒學業成績亦非常優秀！雖然演藝工作很忙，但仍努力自我增值，用了三年嘅時間，考取了大學學位-BA(Hon)Business Enterprise awarded by University of Birmingham，更以一級榮譽的成績畢業！皓兒話：「雖然係讀書期間放棄咗好多拍劇嘅機會，但係讀書所學到嘅知識，係跟住自己一世的！希望自己各方面都可以不斷進步，所以覺得值得的！」
《心態好》： 作為一位藝人要犧牲幕前演出嘅機會，為學業目標奮鬥，確是難得！皓兒話：「性格及處事嘅心態決定一切，凡事只要堅持，never give up， 最終定能成功 ！最緊要輸得起，贏得精彩! 更重要係享受每一個過程，自我檢討及增值，積極面對人生。」
在未來的日子，皓兒除了希望可以演活每一個角色，亦希望大家留意她對歌唱熱誠的一面，唱活歌曲！ 當然亦不會浪費在學業上學過嘅知識，會學以致用，雙線發展，向商界進發，例如參與Marketing及Brand Building等等嘅工作！加油吧！皓兒！期待迎接您多元化的—面！
攝:Tommy Tang
[Stars Girl] 麥皓兒Joey「演技好、成績好、心態好」
https://www.facebook.com/starshk
